Totò (Antonio de Curtis): Vulesse addeventà nu barbuncino: uno 'e chilli ca
Vulesse addevent� nu barbuncino:
uno 'e chilli canille nire e riccie
ca siente 'e d� p' 'a strada: "Che carino!...
sembra un batuffolino... nu capriccio".
E me 'nfezzasse dint' 'a na vetrina
d' 'o primmo magazzino ca truvasse;
e tu, passanno 'a ll� ogni matina,
te 'ncapricciasse 'e me e m'accattasse.
Io gi� me veco cu nu cullarino
tutto 'ndurato cu ddoje campanelle
sdraiato appiede a tte 'ncopp' 'o cuscino:
p' 'a gioia, cchi� nun ce stesse dint' 'a pella!
E quanno po' tu me pigliasse 'mbraccio,
dicenneme parole azzuccuselle,
io t'alleccasse 'e mmane, l'uocchie e 'a faccia
sbattenno 'e zampe, 'e rrecchie e 'sta curella.
Pe st� sempe cu tte matina e sera
nun me 'mpurtasse 'e f� sta vita 'e cane!
Vicino a tte t' 'o giuro 'e sta manera
vulesse bbene pure 'o acchiappacane!
Tot? (Antonio de Curtis)